ശ്രീലങ്കൻ നിയമസഭാ തെരഞ്ഞെടുപ്പിൽ വൻ ഭൂരിപക്ഷത്തോടെ വിജയിച്ച് പ്രസിഡൻറ് അനുര കുമാര ദിസനായകെയുടെ പാർട്ടി. സാമ്പത്തിക തകർച്ചയ്ക്ക് ശേഷം അഴിമതിക്കെതിരെ പോരാടുമെന്നും നഷ്ടപ്പെട്ട സ്വത്തുക്കളെല്ലാം രാജ്യത്ത് തിരിച്ചുപിടിക്കുമെന്നുമുള്ള വാഗ്ദാനം നൽകിയാണ് സെപ്റ്റംബറിലെ തെരഞ്ഞെടുപ്പിൽ ദിസനായകെ വോട്ടുകൾ തൂത്തുവാരിയത്.
225 അംഗങ്ങളുള്ള അസംബ്ലിയിൽ ദിസനായകയുടെ പാർട്ടി നാഷണൽ പീപ്പിൾസ് പവർ സഖ്യം 123 സീറ്റുകൾ നേടിയെടുത്തതോടെ വിജയം അദ്ദേഹത്തിൻറെ പാതയിലാകുകയും പാർലമെൻററി പിന്തുണ ഉറപ്പാക്കാനുള്ള അദ്ദേഹത്തിൻറെ തീരുമാനം ശരി വയ്ക്കുകയുമായിരുന്നു.ഇത് വരെ എണ്ണിയ വോട്ടുകളിൽ 62 ശതമാനം വോട്ടും ദിസനായകയ്ക്കാണ്. അതേസമയം പ്രതിപക്ഷ നേതാവ് സജിത് പ്രേമദാസയുടെ പാർട്ടി 18 ശതമാനം വോട്ടുകൾ മാത്രം നേടി വളരെ പിന്നിലാണ്.