ബഫർ സോൺ വിഷയത്തിൽ കേന്ദ്ര സർക്കാരിന്റെ അടിയന്തര ഇടപെടൽ ആവശ്യപ്പെട്ടും ജനവാസമേഖലയെ പൂർണമായും ഒഴിവാക്കണമെന്ന ആവശ്യമുന്നയിച്ചും എൽഡിഎഫ് ഇടുക്കി ജില്ലയിലും എറണാകുളം ജില്ലയിലെ കോതമംഗലം താലൂക്കിലെ കുട്ടമ്പുഴ, കീരമ്പാറ, കോട്ടപ്പടി, പിണ്ടിമന, നേര്യമംഗലം, കടവൂർ എന്നീ വില്ലേജ് പരിധിയിലും ഇന്ന് ഹർത്താൽ ആചരിക്കും.
ഹർത്താലിനു മുന്നോടിയായി ഇടുക്കി ജില്ലയിലെ വിവിധ മേഖലകളിൽ എൽഡിഎഫ് നേതൃത്വത്തില് പ്രതിഷേധ പ്രകടനങ്ങൾ നടത്തി. രാവിലെ ആറ് മുതൽ വൈകിട്ട് ആറ് വരെയാണ് ഹർത്താൽ. പാൽ, പത്രം, ആശുപത്രി, വിവാഹം എന്നിവയെ ഹർത്താലിൽ നിന്നും ഒഴിവാക്കിയിട്ടുണ്ട്.
English summary;strike in Idukki today