ജനയുഗം വാരികയില്‍ തന്റെ കുട്ടിക്കാല ഓര്‍മ്മ പങ്കുവച്ച് പ്രശസ്ത ഗായിക സുജാത. ജനയുഗം വാരികയില്‍ അച്ചടിച്ചുവന്ന സുജാതയുടെയും ഗാനഗന്ധര്‍വൻ യേശുദാസിന്റെ ഒന്നിച്ചുള്ള ചിത്രമാണ് ഫെയ്സ്ബുക്ക് പേജിലൂടെ സുജാത പങ്കുവച്ചിരിക്കുന്നത്. 1975 മാര്‍ച്ച് 23നാണ് ഈ ചിത്രം ജനയുഗം വാരികയില്‍ പ്രസിദ്ധീകരിച്ചത്.
യേശുദാസും സുജാതയും ഒരേ വേദിയില്‍ പാടുമ്പോള്‍, സുജാതയെ യേശുദാസ് നോക്കുന്നതാണ് ചിത്രത്തിലുള്ളത്. പിറകില്‍ കൈയും കെട്ടി ചിരിച്ചുകൊണ്ട് പാടുന്ന സുജാതയുടെ ചിത്രം സമൂഹമാധ്യമങ്ങളില്‍ ഏറെ ശ്രദ്ധ പിടിച്ചുപറ്റിയിട്ടുണ്ട്.
പണ്ടുകാലങ്ങളില്‍ ഏറ്റവും പ്രചാരത്തിലുണ്ടായിരുന്ന ജനയുഗം മാസികയില്‍ പ്രശസ്ത നടന്‍ പ്രേം നസീര്‍ ഉള്‍പ്പെടെയുള്ളവര്‍ ലേഖനങ്ങള്‍ എഴുതിയിരുന്നു. അക്കാലത്ത് നസീര്‍ ആകെ എഴുതിയിരുന്ന ഒരു മാസികയും ജനയുഗം വാരികയായിരുന്നു.
എഴുത്തുകാരായ പെരുമ്പടവം ശ്രീധരന്‍, കുരീപ്പുഴ ശ്രീകുമാര്‍ തുടങ്ങിയവര്‍ ജനയുഗം വാരികയുടെ ആദ്യകാല വരിക്കാരായിരുന്നു. വാരിക വീണ്ടും പ്രസിദ്ധീകരിക്കണമെന്നും ഈ അടുത്ത് പെരുമ്പടവം ജനയുഗത്തില്‍ വെച്ചു നടന്ന ഓണപ്പതിപ്പിന്റെ പ്രസാധന ചടങ്ങിനിടെ പറഞ്ഞിരുന്നു.
English summary; Sujatha shares her early film with Yesudas in Janayugam Weekly
You may also like this video;
