ജനപ്രതിനിധിയാണെന്ന കാര്യം സുരേഷ് ഗോപി മറന്നു പോകുന്നുവെന്ന് സിപിഐ സംസ്ഥാന സെക്രട്ടറി ബിനോയ് വിശ്വം. കാസര്‍കോട് മാധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം.
ആക്ഷൻ സിനിമകളിലെ നായകനാണ് താനെന്നാണ് സുരേഷ് ഗോപി ഇപ്പോഴും ചിന്തിക്കുന്നത്. ജനങ്ങള്‍ തെരഞ്ഞെടുത്ത ജനപ്രതിനികള്‍ സമൂഹത്തില്‍ ഇറങ്ങി പ്രവര്‍ത്തിക്കുമ്പോള്‍ കാണിക്കേണ്ട മാന്യതയും അന്തസുമുണ്ട്. അത് പാലിക്കാന്‍ അദ്ദേഹത്തിന് കഴിയണം.
എഎംഎംഎയുടെ ഭാരവാഹികള്‍ എല്ലാവരും രാജിവെച്ചത് ഉചിമായ തീരുമാനമാണ്. അമ്മ എന്ന മഹനീയമായ പേരിന് അപമാനമുണ്ടാക്കുന്ന കാര്യങ്ങളാണ് നടക്കുന്നതെന്നും അദ്ദേഹം കൂട്ടിച്ചേര്‍ത്തു.
എല്ലാ തെറ്റുകളും പഠിച്ച് തിരുത്തിക്കൊണ്ട് മലയാള സിനിമയുടെ അന്തസിനും സ്ത്രീകളുടെ പങ്കാളിത്തതിനും ഗ്യാരണ്ടിയുള്ള ഒരു പ്രസ്ഥാനമാണ് ആവശ്യമെന്നും അദ്ദേഹം പറഞ്ഞു.