മലയാളികള്‍ക്ക് ഓണാശംസകള്‍ നേര്‍ന്ന് തമിഴ്‌നാട് മുഖ്യമന്ത്രി എം കെ സ്റ്റാലിന്‍. ദ്രാവിഡഭാഷാ കുടുംബത്തിലെ കൂടപ്പിറപ്പുകളായ കേരളീയര്‍ക്ക് ഓണാശംസകള്‍ നേരുന്നതായി എം കെ സ്റ്റാലിന്‍ പറഞ്ഞു.
ജനങ്ങളെ ഭിന്നിപ്പിച്ച് അതില്‍ നിന്നും ആദായമെടുക്കാന്‍ ശ്രമിക്കുന്ന സ്വാര്‍ത്ഥരെ വീഴ്ത്തുന്ന ഓണമായി ഈ ഓണാഘോഷം മാറണം. അതിനുള്ള ജാഗ്രത ജനങ്ങളില്‍ രൂപപ്പെടുന്നുണ്ട്. സമത്വവും, സാഹോദര്യവും വളര്‍ച്ചയും നിറഞ്ഞ ഇന്ത്യയെ പുനഃസ്ഥാപിക്കുമെന്ന പ്രതിജ്ഞയെടുക്കാനുള്ള അവസരമായി ഈ ഓണാഘോഷം മാറട്ടെ. തെക്കെ ഇന്ത്യന്‍ ജനത പ്രകടിപ്പിക്കുന്ന പുരോഗമനാശയ രാഷ്ടീയത്തോട് എല്ലാ ഇന്ത്യക്കാരും എത്തിച്ചേരുന്ന വര്‍ഷമായി നമ്മുടെ മുന്നിലുള്ള വര്‍ഷം പരിണാമപ്പെടട്ടെയെന്നും സ്റ്റാലിന്‍ ആശംസാ സന്ദേശത്തില്‍ അറിയിച്ചു.
English Sammury: Tamil Nadu Chief Minister M K Stalin wished Onam
