കൈകള് ബന്ധിച്ചു വേമ്പനാട്ട് കായല് 11 കിലോമീറ്റര് നീന്തിക്കടന്ന് വിദ്യാര്ത്ഥി. കോതമംഗലം സ്വദേശി സുരേന്ദ്രന്റെയും ദിവ്യയുടെയും മകന് ആദിത്യന് സുരേന്ദ്രനാണു കായല് നീന്തിക്കടന്നത്. കോതമംഗലം മാര് ബേസില് ഹയര് സെക്കന്ഡറി സ്കൂളില് ഒന്പതാം ക്ലാസ് വിദ്യാർത്ഥിയാണ് ആദിത്യന്. ആലപ്പുഴ ജില്ലയിലെ ചേര്ത്തല കൂമ്പേല് കരിയില് കടവില് നിന്നും കോട്ടയം ജില്ലയിലെ വൈക്കം ബീച്ച് വരെ ഉള്ള 11 കിലോമീറ്റര് ദൂരം 1 മണിക്കൂര് 35 മിനിറ്റ് കൊണ്ടാണ് ആദിത്യന് നീന്തിയത്.
ചേന്നംപള്ളി പഞ്ചായത്ത് പ്രസിഡന്റ് ടി എസ് സുധീഷ് മുന് പഞ്ചായത്ത് പ്രസിഡന്റ് ഹരികുമാര് എന്നിവര് നീന്തല് ഫ്ലാഗ് ഓഫ് ചെയ്തു. വൈക്കം ബീച്ചില് നടത്തിയ അനുമോദന സമ്മേളനം നഗരസഭാ ഉപാധ്യക്ഷന് പി ടി സുഭാഷ് ഉദ്ഘാടനം ചെയ്തു. വേള്ഡ് വൈഡ് ബുക്ക് ഓഫ് റെക്കോര്ഡ്സില് ഇടം നേടുകയാണ് ലക്ഷ്യം.