എറണാകുളം തൃപ്പൂണിത്തുറയിൽ പ്ലസ് വൺ വിദ്യാർത്ഥിയെ പീ ഡിപ്പിച്ച സംഭവത്തില്‍ മൂന്ന് അധ്യാപകരെ കൂടി അറസ്റ്റ് ചെയ്തു. ഗസ്റ്റ് അധ്യാപകനായ പ്രതി കിരൺ വിദ്യാര്‍ത്ഥിയെ പീ ഡിപ്പിച്ചെന്ന വിവരം അറിഞ്ഞിട്ടും മറച്ചുവച്ചതിനെ തുടര്‍ന്നാണ് ഇവർക്കെതിരെ കേസെടുത്തത്. പ്രിന്‍സിപ്പല്‍ തിരുവനന്തപുരം ഗിരിധനം വീട്ടില്‍ ശിവകല (53), അധ്യാപകരായ കോട്ടയം ബ്രഹ്‌മമംഗലം നെടുംപള്ളില്‍ വീട്ടില്‍ ഷൈലജ (55), പനങ്ങാട് വെളിപറമ്പില്‍ വീട്ടില്‍ ജോസഫ് (53) എന്നിവരെയാണ് അറസ്റ്റ് ചെയ്തതെന്ന് പൊലീസ് അറിയിച്ചു.
കലോത്സവത്തിൽ പങ്കെടുക്കാൻ കൊണ്ടുപോയ വിദ്യാർത്ഥിനിയെ അധ്യാപകൻ കിരൺ ലൈംഗികമായി ആക്രമിച്ചുവെന്നാണ് കേസ്. കിരണിനെ നേരത്തെ അറസ്റ്റ് ചെയ്തിരുന്നു. വിദ്യാർത്ഥിനി സംഭവം സഹപാഠികളോട് പറഞ്ഞതോടെയാണ് വിവരം പുറത്തറിയുന്നത്.
കഴി‍‍ഞ്ഞ ബുധനാഴ്ചയായിരുന്നു സംഭവം. വിദ്യാര്‍ത്ഥിനിയെ വീട്ടില്‍നിന്ന് അധ്യാപകന്‍ ബൈക്കില്‍ കലോത്സവ സ്ഥലത്തേക്ക് കൂട്ടിക്കൊണ്ടു പോകുകയായിരുന്നുവെന്നും രാത്രി എട്ടുമണിയോടെ കലോത്സവം കഴിഞ്ഞ് ബൈക്കില്‍ മടങ്ങിയപ്പോഴാണ് കുട്ടിയെ അധ്യാപകന്‍ ലൈംഗികമായി ഉപദ്രവിച്ചതെന്നും പൊലീസ് പറഞ്ഞു.
English Summary: teachers arrested in pocso case
You may also like this video
