പിതാവുമായുള്ള വഴക്കിനെ തുടർന്ന് കൗമാരക്കാരൻ മുത്തശ്ശിയെ വെടിവെച്ചു കൊന്നു. ഹരിയാന റോഹ്തക് ജില്ലയിലെ നന്ദൽ ഗ്രാമത്തിൽ തിങ്കളാഴ്ച രാത്രിയാണ് സംഭവം. 68 വയസുള്ള സ്ത്രീയാണ് കൊല്ലപ്പെട്ടത്. വെടിയുതിര്‍ത്ത ശേഷം പതിനേഴുകാരന്‍ ഒളിവില്‍പ്പോയി. ഇയാള്‍ക്കായി തിരച്ചില്‍ തുടരുകയാണെന്ന് പൊലീസ് പറഞ്ഞു.
സെൻട്രൽ റിസർവ് പൊലീസ് ഫോഴ്സ് (സിആര്‍പിഎഫ്) ഉദ്യോഗസ്ഥനായ പിതാവുമായി കുട്ടി വഴക്കിട്ടിരുന്നു. അവന്റെ മോശം പ്രതികരണത്തെ കുറിച്ച് പിതാവ് തൊട്ടപ്പുറത്ത് സഹോദരനൊപ്പം താമസിക്കുന്ന തന്റെ അമ്മയോട് വിവരിക്കുന്നതിനിടെയാണ് അവന്‍ വെടിവച്ചത്. അച്ഛന്റെ പേരില്‍ ലൈസന്‍സുള്ള തോക്കാണ് കുറ്റകൃത്യത്തിനായി ഉപയോഗിച്ചിട്ടുള്ളത്. ലഖൻമജ്ര പൊലീസാണ് കേസെടുത്ത് അന്വേഷണം ആരംഭിച്ചത്.
English Sammury: teen shoots dead grandmother after a quarrel with father
