തലശേരി ടൗണ്‍ഹാളിലെത്തിച്ച പ്രിയസഖാവ് കോടിയേരിയുടെ മൃതദേഹം ഒരു നോക്കുകാണുവാനും, അന്തിമോപചാരം അര്‍പ്പിക്കുവാനും തലശേരി ടൗണ്‍ഹാളിലും പരിസരത്തുമായി പതിനായിരങ്ങള്‍ തിങ്ങി നിറഞ്ഞിരിക്കുകയാണ്. മുദ്രാവാക്യം വിളികളോട് കൂടി കോടിയേരിയുടെ മൃതദേഹത്തെ പ്രവര്‍ത്തകര്‍ ഏറ്റുവാങ്ങുകയായിരുന്നു. മുഖ്യമന്ത്രിയും മുതിര്‍ന്ന നേതാക്കളും ചേര്‍ന്ന് ചെങ്കൊടി പുതപ്പിച്ചു.
പിണറായി വിജയന്‍ പുഷ്‍പചത്രം അര്‍പ്പിച്ചു. ടൗണ്‍ഹാളിന് മുന്നില്‍ മുന്‍ ആഭ്യന്തരമന്ത്രികൂടിയായ കോടിയേരിക്ക് പോലീസ് സേന ആദരവ് പ്രകടിപ്പിച്ചു.ആയിരക്കണക്കിന് ആളുകളാണ് അദ്ദേഹത്തെ ഒരു നോക്കുകാണാൻ വഴിയോരങ്ങളില്‍ കാത്തിരിക്കുന്നത്.
കണ്ണൂരിന്റെ പാതയോരങ്ങളില്‍ പ്രിയസഖാവിനെ കാത്ത് മുഷ്ടിചുരുട്ടി മുദ്രവാക്യങ്ങളുയര്‍ത്തിയാണ് അവര്‍ കോടിയേരിയുടെ ഭൗതിക ശരീരത്തെ വരവേറ്റത്. സിപിഐഎം ജനറല്‍ സെക്രട്ടറി സീതാറാം യെച്ചൂരി നാളെ എത്തും. ഇന്ന് തലശ്ശേരിയിലെ പൊതുദര്‍ശനത്തിന് ശേഷം രാത്രിയില്‍ മൃതദേഹം കോടിയേരി മാടപ്പീടികയിലെ വസതിയിലേക്ക് കൊണ്ടുപോകും.
English Summary: Tens of thousands to pay their last respects at Thalassery Town Hall; Chief Minister offered floral wreath