അഖിലേന്ത്യ യുവജന ഫെഡറേഷന്റെ പതിനാറാം ദേശീയ സമ്മേളനത്തിന് ഹൈദരാബാദിൽ ഇന്ന് തുടക്കം കുറിക്കും. ഇന്ന് രാവിലെ 11 മണിക്ക് ആരംഭിക്കുന്ന യുവജന റാലിക്ക് ശേഷം ചേരുന്ന പൊതുസമ്മേളനത്തിൽ സിപിഐ ദേശീയ ജനറല്‍ സെക്രട്ടറി ഡി രാജ, പ്രശസ്ത സിനിമാ നടനും ആക്ടിവിസ്റ്റുമായ പ്രകാശ് രാജ്, ബിനോയ് വിശ്വം എംപി, റവന്യൂ മന്ത്രി കെ രാജൻ തുടങ്ങിയവർ പ്രസംഗിക്കും.
എട്ട്, ഒന്‍പത്, പത്ത് തീയതികളിലായി പ്രതിനിധി സമ്മേളനവും നടക്കും. പ്രതിനിധി സമ്മേളനം പ്രൊഫ. രാം പുനിയാനി ഉദ്ഘാടനം ചെയ്യും. പ്രതിനിധി സമ്മേളനത്തിന്റെ ഭാഗമായി നടക്കുന്ന വിവിധ സെഷനുകളിൽ ജസ്റ്റിസ് കെ ചന്ദ്രു, പി സായിനാഥ്, ആര്‍ രാജഗോപാൽ തുടങ്ങിയ പ്രമുഖർ സമ്മേളനത്തെ അഭിസംബോധന ചെയ്തു സംസാരിക്കും. രാജ്യത്തെ ഫാസിസ്റ്റ് ഗവണ്‍മെന്റിന് എതിരായുള്ള സമരപോരാട്ടങ്ങള്‍ക്ക് രൂപം നല്‍കുന്നതിന് എഐവൈഎഫ് പതിനാറാം ദേശീയ സമ്മേളനം വേദിയാകും. കേരളത്തില്‍ നിന്ന് 94 പ്രതിനിധികള്‍ പങ്കെടുക്കും.
English Summary: The 16th AIYF National Conference kicks off today
You may like this video also
