ബെംഗളൂരുവില്‍ 26 കാരിയെ കൊലപ്പെടുത്തി മൃതദേഹം 30 കഷണങ്ങളാക്കി ഫ്രിഡ്ജില്‍ ഒളിപ്പിച്ചു.കര്‍ണാടകയിലെ വയ്ക്കലിലാണ് ഞെട്ടിക്കുന്ന സംഭവം നടന്നത്.അന്യ സംസ്ഥാനക്കാരിയായ യുവതി ബെംഗളൂരുവില്‍ അപ്പാര്‍ട്ട്‌മെന്റെടുത്ത് താമസിച്ച് വരികയായിരുന്നു.അപ്പാര്‍ട്ട്‌മെന്റില്‍ നിന്ന് ദുര്‍ഗന്ധം വമിച്ചതിനെത്തുടര്‍ന്ന് അയല്‍വാസികളാണ് പൊലീസിനെ വിവരം അറിയിച്ചത്.
ദിവസങ്ങളോളം പഴക്കമുള്ള മൃതദേഹം പുഴുവരിക്കുന്ന നിലയിലാണ് കണ്ടെത്തിയത്.സംഭവത്തില്‍ പ്രാഥമിക അന്വേഷണത്തിന് ശേഷം കൂടുതല്‍ വിവരങ്ങള്‍ പുറത്തുവിടുമെന്ന് അഡീഷണല്‍ പൊലീസ് കമ്മീഷണര്‍ സതീഷ് കുമാര്‍ പറഞ്ഞു.