സൂഹമാധ്യമത്തിലൂടെ സ്ത്രീത്വത്തെ അപമാനിച്ചെന്ന പരാതിയില്‍ നടിമാരായ ബീന ആന്റണി, സ്വാസിക, നടൻ മനോജ് എന്നിവര്‍ക്കെതിരെ കേസ്. ആലുവ സ്വദേശിയായ നടിയുടെ പരാതിയിന്മേലാണ് കേസെടുത്തത്. നെടുമ്പാദേശി പൊലീസ് രജിസ്റ്റർ ചെയ്ത കേസിൽ ബീനാ ആന്‍റണിയാണ് ഒന്നാം പ്രതി. രണ്ടാം പ്രതി മനോജും മൂന്നാം പ്രതി സ്വാസികയുമാണ്. ജാമ്യം ലഭിക്കാവുന്ന വകുപ്പിലാണ് കേസ് എടുത്തിരിക്കുന്നത്. ഹേമ കമ്മിറ്റി റിപ്പോർട്ട് പുറത്തു വന്ന കാലഘട്ടത്തിൽ ഇടവേള ബാബു, ജയസൂര്യ, ജാഫർ ഇടുക്കി, മണിയൻ പിള്ള രാജു, ബാലചന്ദ്ര മേനോൻ എന്നിവർക്കെതിരേ പരാതി നൽകിയ നടിയാണ് പരാതിക്കാരി.
യൂട്യൂബിലൂടെ സ്ത്രീത്വത്തെ അപമാനിച്ചു; നടിമാരായ ബീന ആന്റണിയ്ക്കും സ്വാസികയ്ക്കും നടൻ മനോജിനുമെതിരെ പരാതി നല്‍കി നടി
