വിവാഹത്തലേന്ന് വധുവിന്റെ അച്ഛനെ അടിച്ചുകൊലപ്പെടുത്തിയ കേസില്‍ പ്രതികള്‍ വധുവിനെയാണ് ആദ്യം ആക്രമിച്ചതെന്ന് വധുവിന്റെ ബന്ധുക്കള്‍. കല്യാണത്തലേന്ന് സത്കാരത്തിനു ശേഷം ആളുകള്‍ പോയ സമയത്താണ് പ്രതികള്‍ രാജുവിന്റെ വീടിടില്‍ വന്ന് അക്രമം നടത്തിയത്. അയൽവായിയായ ജിഷ്ണു, സഹോദരൻ ജിജിൻ, സുഹൃത്തുക്കളായ ശ്യാം, വിഷ്ണു എന്നിവരാണ് വീട്ടില്‍ അതിക്രമിച്ച് കടന്നത്. വധുവിനോട് സംസാരിക്കുന്നതിനിടെ പ്രതികള്‍ ആക്രമിക്കുകയായിരുന്നു. വധു ശ്രീലക്ഷ്മിയെ നിലത്തിട്ട് ചവിട്ടുന്ന കേട്ടാണ്
ശ്രീലക്ഷ്മിയെ രക്ഷിക്കാനെത്തിയ രാജുവിനെ പ്രതികൾ മൺവെട്ടി കൊണ്ട് അടിക്കുകയായിരുന്നു. ജിഷ്ണുവിന്റെ സഹോദരന്‍ ജിജിനാണ് രാജുവിനെ അടിച്ചതെന്നാണ് ദൃക്സാക്ഷികളുടെ മൊഴി. രക്ഷപെടാൻ ശ്രമിച്ച പ്രതികളെ നാട്ടുകാർ പിടികൂടുകയായിരുന്നു. രാജു സംഭവസ്ഥലത്തുതന്നെ മരിച്ചു. ശ്രീലക്ഷ്മിയെ വിവഹമാലോചിച്ച് പ്രതി ജിഷ്ണുവിന്റെ വീട്ടുകാർ നേരത്തെ എത്തിയിരുന്നു. എന്നാൽ രാജുവും വീട്ടുകാരും ഈ ബന്ധനം വേണ്ടെന്ന് വയ്ക്കുകയായിരുന്നു. തുടര്‍ന്ന് ശ്രീലക്ഷ്മിക്ക് മറ്റൊരു വിവാഹം ഉറപ്പിക്കുയും ചെയ്തു. ഇതിലുള്ള പകയാണ് കൊലപാതകത്തിന് പിന്നിൽ. വിവാഹ ആലോചന നിരസിച്ചപ്പോൾ തന്നെ ഇവർ വധഭീഷണി മുഴക്കിയിരുന്നതായി പറയുന്നു. പ്രതികൾ ക്രിമിനൽ പശ്ചാത്തലമുള്ളവരാണെന്ന് രാജുവിന്റെ ബന്ധുക്കൾ പറഞ്ഞു.
English Summary:The assailants who came to the marriage house attacked Srilakshmi first
You may also like this video
