ഡല്‍ഹിയില്‍ കാണാതായ 17കാരന്റെ മൃതദേഹം കഴുത്തറുത്ത നിലയിൽ ട്രാവൽ ബാഗിൽ കണ്ടെത്തി. വടക്കുപടിഞ്ഞാറൻ ഡൽഹിയിലെ മംഗൾപുരിയിൽ പീർ ബാബ മാജാർ ഭാഗത്ത് വെള്ളിയാഴ്ചയാണ് സംഭവം. വ്യാഴാഴ്ച രാത്രി മുതൽ രോഹിണി ഭാഗത്ത് കൗമാരക്കാരനെ കാണാതായിരുന്നു.
കഴുത്തറുത്ത നിലയിൽ അജ്ഞാത മൃതദേഹം യാത്രാ ബാഗിൽ നിറച്ച നിലയിലാണ് കണ്ടെത്തിയതെന്ന് ഡെപ്യൂട്ടി പൊലീസ് കമ്മീഷണർ (ഔട്ടർ) സമീർ ശർമ പറഞ്ഞു. കാണാതായ ആളുടെ രേഖകൾ പരിശോധിക്കുന്നതിനായി സമീപത്തെ എല്ലാ പൊലീസ് സ്റ്റേഷനുകളിലും ജില്ലകളിലും അറിയിക്കുകയായിരുന്നു. തുടർന്ന് നടത്തിയ പരിശോധനയിലാണ് രോഹിണി സെക്ടർ ഒന്നിൽ നിന്ന് കാണാതായ കൗമാരക്കാരന്റെ മൃതദേഹമാണെന്ന് തിരിച്ചറിഞ്ഞത്. കേസിൽ അന്വേഷണം ആരംഭിച്ചതായി പൊലീസ് അറിയിച്ചു.
English Summary:The body of a 17-year-old boy who went missing in Delhi has been found in a travel bag
You may also like this video
