സംസ്ഥാനത്ത് മഴ തുടരുമെന്ന് കേന്ദ്ര കാലാവസ്ഥാ വകുപ്പ്. ഇന്നലെയും വ്യാപക മഴ ലഭിച്ചു. ശക്തമായ മഴയ്ക്ക് സാധ്യതയുള്ളതിനാല്‍ ഇന്ന് നാല് ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു. എറണാകുളം, തൃശൂര്‍, കോഴിക്കോട്, കണ്ണൂര്‍ ജില്ലകളിലാണ് യെല്ലോ അലര്‍ട്ടുള്ളത്.
അടുത്ത മൂന്ന് ദിവസവും മഴയ്ക്ക് സാധ്യതയുണ്ടെന്നാണ് പ്രവചനം. അറബിക്കടലില്‍ രൂപപ്പെട്ട ബിപോര്‍ജോയ് ചുഴലിക്കാറ്റ് അതിതീവ്രമായി തുടരുകയാണ്. മണിക്കൂറില്‍ 185 കിലോമീറ്റര്‍ വരെ വേഗതയിലാണ് നിലവില്‍ ബിപോര്‍ജോയ് സഞ്ചരിക്കുന്നത്. മധ്യകിഴക്ക് അറബിക്കടലില്‍ വടക്കുകിഴക്ക് ദിശയില്‍ സഞ്ചരിക്കുന്ന ബിപോര്‍ജോയ് വ്യാഴാഴ്ചയോടെ ഗുജറാത്തിനും പാകിസ്ഥാനുമിടയിലുള്ള തീരപ്രദേശത്ത് കൂടി കരയിലേക്ക് പ്രവേശിക്കുമെന്നാണ് പ്രവചനം. വ്യാഴാഴ്ച വരെ കേരള, കര്‍ണാടക, ലക്ഷദ്വീപ് തീരങ്ങളില്‍ മത്സ്യബന്ധനത്തിന് പോകരുതെന്ന് മുന്നറിയിപ്പുണ്ട്.
english summary;The Central Meteorological Department said rains will continue in the state
you may also like this video;
