മുഖ്യ തെരഞ്ഞെടുപ്പ് കമ്മീഷണറും മറ്റ് തെരഞ്ഞെടുപ്പ് കമ്മീഷണർമാരും മായാവതിയുമായി കൂടിക്കാഴ്ച നടത്തി

മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറും തിരഞ്ഞെടുപ്പ് കമ്മീഷണർമാരായ ഡോ. സുഖ്ബീർ സിംഗ് സന്ധുവും ഡോ. വിവേക് ജോഷിയും ഇന്ന് നിർവാചൻ സദനിൽ വെച്ച് ബഹുജൻ സമാജ് പാർട്ടിയുടെ ദേശീയ അധ്യക്ഷ മായാവതിയുടെ നേതൃത്വത്തിലുള്ള സംഘവുമായി കൂടിക്കാഴ്ച നടത്തി

ഇന്ത്യൻ തിരഞ്ഞെടുപ്പ് കമ്മീഷൻ ദേശീയ, സംസ്ഥാന രാഷ്ട്രീയ പാർട്ടികളുമായി ആശയവിനിമയം ആരംഭിച്ചു. ഈ ആശയവിനിമയങ്ങൾ ദേശീയ, സംസ്ഥാന പാർട്ടി അധ്യക്ഷന്മാർക്ക് അവരുടെ നിർദ്ദേശങ്ങളും ആശങ്കകളും കമ്മീഷനുമായി നേരിട്ട് പങ്കുവെക്കാൻ അവസരം നൽകുന്ന ക്രിയാത്മകമായ ചർച്ചകൾക്ക് വഴിയൊരുക്കും.

നിലവിലുള്ള നിയമങ്ങൾക്കും ചട്ടങ്ങൾക്കും അനുസൃതമായി, തിരഞ്ഞെടുപ്പ് പ്രക്രിയ കൂടുതൽ ശക്തിപ്പെടുത്തുന്നതിനുള്ള കമ്മീഷന്റെ വിശാലമായ കാഴ്ചപ്പാടിൻ്റെ ഭാഗമാണിത്.

നേരത്തെ, 40 മുഖ്യ തിരഞ്ഞെടുപ്പ് ഓഫീസർമാരും (CEO‑മാർ), 800 ജില്ല തിരഞ്ഞെടുപ്പ് ഓഫീസർമാരും (DEO‑മാർ), 3879 ഇലക്ടറൽ രജിസ്ട്രേഷൻ ഓഫീസർമാരും (ERO‑മാർ) നടത്തിയ യോഗങ്ങൾ ഉൾപ്പെടെ ഇത്തരത്തിൽ ആകെ 4,719 സർവ്വകക്ഷി യോഗങ്ങൾ സംഘടിപ്പിച്ചിട്ടുണ്ട്. ഇതിൽ 28,000‑ത്തിലധികം വിവിധ രാഷ്ട്രീയ പാർട്ടികളുടെ പ്രതിനിധികൾ പങ്കെടുത്തു.