രാജ്യത്തെ ആദ്യ ഓൺലൈൻ 24 x 7 കോടതി കൊല്ലത്ത്. നാളെ കോടതി പ്രവർത്തനമാരംഭിക്കും. വാദിക്കും പ്രതിക്കും ഓൺലൈനായി കേസ് നടപടികളിൽ പങ്കെടുക്കാനുള്ള സൌകര്യമാണ് കോടതി നൽകുന്നത്. കൊല്ലത്തെ 3 ജുഡീഷ്യൽ ഫസ്റ്റ് ക്ലാസ്സ് കോടതികളിലും ചീഫ് ജുഡീഷ്യൽ മജിസ്ട്രേറ്റ് കോടതികളിലും നെഗോഷ്യബിൾ ഇൻസ്ട്രുമെൻറ് പ്രകാരം ഫയൽ ചെയ്യേണ്ട ചെക്ക് മുടങ്ങിയ കേസുകളാണ് പുതിയ കോടതി പരിഗണിക്കുന്നത്.
ഒരു മജിസ്ട്രേറ്റും 3 ജീവനക്കാരുമാകും കോടതിയിലുണ്ടാകുക. കേസിലോ കക്ഷികളോ അഭിഭാഷകരോ കേസിൽ ഹാജരാകാതെ തന്നെ 24 മണിക്കൂറും ഓൺലൈനായി കേസ് ഫയൽ ചെയ്യാം എന്ന പ്രത്യേകതയും ഈ കോടതിക്കുണ്ട്.