ഫുട്ട്പാത്തിലൂടെ നടന്നു വരുകയായിരുന്ന യുവതിയെ കാറിടിച്ച് നട്ടെല്ലിന് പരിക്കേല്‍പ്പിച്ച സംഭവത്തില്‍ 92 ലക്ഷം രൂപ നഷ്ടപരിഹാരം അനുവദിച്ച് കോടതി. തിരുവനന്തപുരം മോട്ടോര്‍ ആക്‌സിഡന്റ് ക്ലയിംസ് ട്രൈബ്യൂണല്‍ ജഡ്ജി ആജ് സുദര്‍ശനാണ് വിധി പുറപ്പെടുവിച്ചത്.
2017ലായിരുന്ന കേസിനാസ്പദമായ സംഭവം. തിരുവനന്തപുരം കാട്ടായിക്കോണം സ്വദേശി ശോഭികയെ അമിത വേഗത്തില്‍ വന്ന കാര്‍ ഇടിച്ച് വീഴ്ത്തുകയായിരുന്നു. വീഴ്ച്ചയില്‍ ശോഭികയുടെ നട്ടെല്ലിന് ഗുരുതരമായി പരിക്കേല്‍ക്കുകയും എഴുന്നേറ്റ് നടക്കാന്‍ കഴിയാത്തവിധം കിടപ്പിലാകുകയും ചെയ്തിരുന്നു. അഡ്വ.കാട്ടായിക്കോണം കെജെ അജിത്ത് പ്രസാദാണ് ശോഭികയ്ക്ക് വേണ്ടി ഹാജരായത്.