രാജ്യത്തെ പ്രതിദിന കോവിഡ് കേസുകള്‍ ഇന്ന് 10,753 രേഖപ്പെടുത്തി. 195 ദിവസത്തിനിടയിലെ ഏറ്റവും ഉയര്‍ന്ന നിരക്കാണിത്. 27 പേര്‍ കോവിഡ് ബാധിച്ച് മരിച്ചു. സജീവമായ കേസുകളുടെ എണ്ണം 53,720 ആയി. മഹാരാഷ്ട്രയില്‍ ഒരു ദിവസത്തിനിടെ എണ്ണൂറിലധികം പേര്‍ക്കാണ് രോഗം സ്ഥിരീകരിച്ചത്. ഡല്‍ഹിയില്‍ 606 പേരാണ് ഇന്ന് രോഗം സ്ഥിരീകരിച്ചത്.
രോഗവ്യാപനം ഉയരുന്നു സാഹചര്യത്തില്‍ കേന്ദ്ര ആരോഗ്യ മന്ത്രി മന്‍സുഖ് മാണ്ഡവ്യ വിളിച്ച സംസ്ഥാന ആരോഗ്യ മന്ത്രിമാരുടെ യോഗം ഇന്ന്. ഓണ്‍ലൈനായാണ് യോഗം ചേരുക. സംസ്ഥാനങ്ങളിലെ രോഗവ്യാപനം, പ്രതിരോധ പ്രവര്‍ത്തനങ്ങള്‍ തുടങ്ങിയവ യോഗത്തില്‍ വിലയിരുത്തും. ഉത്തര്‍പ്രദേശിലെ ലഖ്‌നൗവിലും ആഗ്രയിലും രോഗികളുടെ എണ്ണം കൂടി.
English Summary;The daily number of patients in the country has crossed 10,753
You may also like this video
