നടുറോഡില്‍ വയോധികയെ കടന്നുപിടിച്ച പ്രതി പിടിയില്‍. തിരുവനന്തപുരം ശ്രീകാര്യത്താണ് കൊലക്കേസില്‍ പ്രതിയായ വട്ടപ്പാറ സ്വദേശി ചിത്രസേന്‍ പിടിയിലായത്. കഴിഞ്ഞ ദിവസമാണ് സംഭവം. മകളുടെ വീട്ടില്‍ പോയി തിരികെ വരികയായിരുന്ന ശ്രീകാര്യം സ്വദേശിനിയായ 68കാരിക്കാണ് അതിക്രമം നേരിട്ടത്. റോഡിലൂടെ നടന്നു വന്ന വയോധികയെ അപ്രതീക്ഷിതമായി ഇയാള്‍ കടന്നുപിടിക്കുകയായിരുന്നു.
പ്രതിയുടെ പിടിത്തം ശരിയല്ലെന്ന് തോന്നിയതും എന്തിനാണ് പിടിച്ചതെന്ന് ചോദിച്ചെന്നും വയോധിക പറയുന്നു. ഭാര്യ പിണങ്ങി നില്‍ക്കുകയാണെന്നായിരുന്നു അതിന് അയാള്‍ നല്‍കിയ മറുപടിയെന്ന് വയോധിക പറയുന്നു. ഇതോടെ താന്‍ നിലവിളിച്ചു. തുടര്‍ന്ന് ആളുകള്‍ വന്ന് അയാളെ പിടികൂടുകയായിരുന്നുവെന്നും വയോധിക പറഞ്ഞു. ഈ പ്രദേശത്ത് ഇത്തരത്തില്‍ ഒരു അനുഭവം ആദ്യമാണെന്നും വയോധിക പറഞ്ഞു.
English Summary; The old woman was overtaken in the middle of the road; Accused in murder case arrested
You may also like this video
