വൈദ്യുതി ലൈൻ പൊട്ടി വീണു; ഷോക്കേറ്റ് വീട്ടമ്മക്ക് ദാരുണാന്ത്യം

മരം വീണതിനെ തുടർന്ന് പൊട്ടിവീണ വൈദ്യുതി ലൈനിൽനിന്ന് ഷോക്കേറ്റ് വീട്ടമ്മക്ക് ദാരുണാന്ത്യം. കുറുവങ്ങാട് മുസ്‍ലിം പള്ളിക്ക് സമീപം ഹിബ മൻസിലിൽ ഫാത്തിമ (65) ആണ് മരിച്ചത്. വൈകിട്ട് മരത്തിന്റെ കൊമ്പ് ഒടിഞ്ഞ് റോഡിലേക്ക് വീഴുകയായിരുന്നു. ശബ്ദം കേട്ട് ഫാത്തിമ പുറത്തിറങ്ങിയപ്പോഴാണ് ലൈനിൽനിന്ന് ഷോക്കേറ്റത്. ഫയർഫോഴ്സ് എത്തിയാണ് ഫാത്തിമയെ ആശുപത്രിയിലെത്തിച്ചത്. ഭർത്താവ്: ബാവൂട്ടി. മക്കൾ: ഫൗമില, ഫാസില, ഫമറു, ഫൗസിദ.