ദേശീയപാതക്കായി ഭൂമി ഏറ്റെടുത്ത് നൽകിയതിൽ സംസ്ഥാന സർക്കാരിന് പൂർണ്ണ ഉത്തരവാദിത്വമുണ്ടെന്നും എന്നാൽ നിർമ്മാണത്തിന്റെ പൂര്ണ നിയന്ത്രണം കേന്ദ്ര സര്ക്കാരിനാണെന്നും മുഖ്യമന്ത്രി പിണറായി വിജയൻ. ദേശീയപാത 66ലെ നിർമ്മാണത്തിനിടയിൽ ഉണ്ടായ തകര്ച്ചയിൽ പ്രതിപക്ഷത്തിന്റെ ആരോപണങ്ങള്ക്ക് മറുപടി പറയുകയായിരുന്നു മുഖ്യമന്ത്രി. സംസ്ഥാന സര്ക്കാരിനെ കുറ്റപ്പെടുത്താൻ ചിലർക്ക് കിട്ടിയ അവസരം അവർ ഉപയോഗിക്കുകയാണ്. വീഴ്ചകൾ പരിഹരിച്ച് മുന്നോട്ടുപോകണം. ഞങ്ങളെ കുറ്റപ്പെടുത്താൻ വാസനയുള്ളവർ കിട്ടിയ അവസരം മുതലാക്കി. എന്തും പറയുന്ന അവസ്ഥയിലേക്ക് കാര്യങ്ങൾ എത്തി. വീഴ്ച വീഴ്ചയായി കണ്ട് നടപടി സ്വീകരിക്കണം. അത് ദേശീയപാത അതോറിട്ടിയുടെ ചുമതലയാണെന്നും മുഖ്യമന്ത്രി പറഞ്ഞു.
ദേശീയപാതക്കായി ഭൂമി ഏറ്റെടുത്ത് നൽകിയതിൽ സംസ്ഥാന സർക്കാരിന് പൂർണ്ണ ഉത്തരവാദിത്വമുണ്ട്; എന്നാൽ നിർമ്മാണത്തിന്റെ പൂര്ണ നിയന്ത്രണം കേന്ദ്ര സര്ക്കാരിനാണെന്ന് മുഖ്യമന്ത്രി
