വിദ്യാർത്ഥി ക്ഷേത്ര കുളത്തിൽ മുങ്ങി മരിച്ചു

എറണാകുളം തമ്മനം കുത്താപ്പാടി ക്ഷേത്ര കുളത്തിൽ വിദ്യാർത്ഥി മുങ്ങി മരിച്ചു. കറുകപ്പിള്ളി സ്വദേശി ഫാസിലാണ്(13) മരിച്ചത്. കൂട്ടുകാർക്കൊപ്പം കുളിക്കാൻ എത്തിയതായിരുന്നു ഫാസിൽ. കുളിക്കുന്നതിനിടെ മുങ്ങിപ്പോവുകയായിരുന്നു. ഉടൻ തന്നെ നാട്ടുകാര്‍ രക്ഷപ്രവർത്തനം നടത്തിയെങ്കിലും ജീവൻ രക്ഷിക്കാനായില്ല. ആശുപത്രിയിലെത്തിക്കുന്നതിന് മുമ്പു തന്നെ കുട്ടിയുടെ ജീവൻ നഷ്ടപ്പെട്ടിരുന്നു. മൃതദേഹം പോസ്റ്റ്മോർട്ടത്തിന് ശേഷം കുടുംബത്തിന് വിട്ടുനൽകും.