പുതിയ പാര്‍ലമെന്റ് മന്ദിരത്തിന്റെ ഉദ്ഘാടനം പ്രധാനമന്ത്രി നരേന്ദ്ര മോഡിക്ക് പകരം രാഷ്ട്രപതി ദ്രൗപദി മുര്‍മു നിര്‍വഹിക്കാന്‍ ആവശ്യമായ നിര്‍ദേശങ്ങള്‍ ലോക്‌സഭാ സെക്രട്ടേറിയറ്റിന് നല്‍കണമെന്ന് ആവശ്യപ്പെടുന്ന പൊതുതാല്പര്യ ഹര്‍ജി സുപ്രീം കോടതി തള്ളി. ജസ്റ്റിസുമാരായ ജെ കെ മഹേശ്വരി, പി എസ് നരസിംഹ എന്നിവരുള്‍പ്പെട്ട അവധിക്കാല ബെഞ്ചാണ് ഉത്തരവ് പുറപ്പെടുവിച്ചത്.
അഭിഭാഷകനായ സി ആര്‍ ജയ സുകന്‍ സമര്‍പ്പിച്ച പൊതുതാല്പര്യ ഹര്‍ജിയാണ് സുപ്രീം കോടതി പരിഗണിച്ചത്. ഹര്‍ജി അംഗീകരിക്കാനാകില്ലെന്ന് ബെഞ്ച് വ്യക്തമാക്കി. ഹര്‍ജി പിന്‍വലിക്കാന്‍ ഹര്‍ജിക്കാരന്‍ അനുമതി തേടിയെങ്കിലും അതും കോടതി നിരാകരിച്ചു. കോടതി കേസില്‍ പിഴയിടുന്നില്ലെന്നും ജസ്റ്റിസ് നരസിംഹ വ്യക്തമാക്കി.
english summary:The Supreme Court rejected the Parliament House inauguration petition
you may also like this video:
