പശ്ചിമേഷ്യയിലെ യുദ്ധം ഇന്ത്യൻ മഹാസമുദ്രത്തിലേക്കും വ്യാപിക്കുന്നു. ശ്രീലങ്കൻ തീരത്തിന് സമീപം ഇറാന്റെ കപ്പലിന് നേരെ അന്തർവാഹിനി ആക്രമണമുണ്ടായതായി റോയിട്ടേഴ്സ് റിപ്പോർട്ട് ചെയ്തു. ആക്രമണത്തിൽ കപ്പലിലുണ്ടായിരുന്ന 101 പേരെ കാണാതാവുകയും 78 പേർക്ക് പരിക്കേൽക്കുകയും ചെയ്തതായി ശ്രീലങ്കൻ നാവികസേനയും പ്രതിരോധ മന്ത്രാലയവും സ്ഥിരീകരിച്ചു.
അറേബ്യൻ ഉൾക്കടൽ, ഹോർമുസ് കടലിടുക്ക്, ഒമാൻ ഉൾക്കടൽ എന്നിവിടങ്ങളിൽ നിലവിൽ ഒരു ഇറാനിയൻ കപ്പൽ പോലും ചലനാത്മകമല്ലെന്ന് യുഎസ് സെൻട്രൽ കമാൻഡ് അറിയിച്ചു. ഒരു അന്തർവാഹിനി ഉൾപ്പെടെ ഇറാന്റെ 17 കപ്പലുകൾ തകർത്തതായും ഇറാനിലെ രണ്ടായിരത്തോളം ലക്ഷ്യസ്ഥാനങ്ങളിൽ ആക്രമണം നടത്തിയതായും യുഎസ് സൈന്യം വ്യക്തമാക്കി. “ഇന്ന് അറേബ്യൻ ഉൾക്കടലിലോ ഹോർമുസിലോ ഒമാൻ ഉൾക്കടലിലോ ഒരു ഇറാനിയൻ കപ്പൽ പോലും സഞ്ചരിക്കുന്നില്ല,” യുഎസ് സെൻട്രൽ കമാൻഡിലെ ബ്രാഡ് കൂപ്പർ എക്സിൽ പങ്കുവെച്ച വീഡിയോയിൽ പറഞ്ഞു.