കൽപ്പറ്റയിൽ പൊലീസ് കസ്റ്റഡിയിലെടുത്ത യുവാവിനെ സ്റ്റേഷനിലെ ശുചിമുറിയിൽ തൂങ്ങിമരിച്ച നിലയിൽ കണ്ടെത്തി. അമ്പലവയൽ സ്വദേശി ഗോകുലിനെ(18) ആണ് തൂങ്ങി മരിച്ച നിലയിൽ കണ്ടെത്തിയത്. ഏതാനും ദിവസം മുൻപ് മുട്ടിൽ സ്വദേശിയായ പ്രായപൂർത്തിയാകാത്ത പെൺകുട്ടിയെ കാണാതായിരുന്നു. തുടർന്ന് പെൺകുട്ടിയുടെ വീട്ടുകാർ നൽകിയ പരാതിയുടെ അടിസ്ഥാനത്തിൽ നടത്തിയ അന്വേഷണത്തിൽ ഗോകുലിനെയും പെൺകുട്ടിയെയും കോഴിക്കോട്ട് നിന്ന് കണ്ടെത്തുകയായിരുന്നു.
പെൺകുട്ടിയെ താൽക്കാലിക താമസ സ്ഥലത്തേക്ക് മാറ്റി. പൊലീസ് കസ്റ്റഡിയിലായിരുന്ന ഗോകുൽ രാവിലെ ശുചിമുറിയിൽ പോയി തിരിച്ചു വരാത്തതിനെതത്തുർന്ന് അന്വേഷിച്ചപ്പോഴാണ് മുണ്ടിൽ തൂങ്ങിയ നിലയിൽ കണ്ടെത്തിയത്. മൃതദേഹം സ്വകാര്യ ആശുപത്രിയിലേക്ക് മാറ്റി.