ആലപ്പുഴ കളര്‍കോട് വാഹനാപകടത്തിന്റെ കാരണങ്ങള്‍ ചൂണ്ടിക്കാട്ടി ട്രാന്‍സ്പോര്‍ട്ട് കമ്മീഷണര്‍ക്ക് റിപ്പോര്‍ട്ട് സമര്‍പ്പിച്ച് മോട്ടോര്‍ വാഹന വകുപ്പ്. ഇതില്‍ ഒന്നാമത്തെ കാരണമായി ചൂണ്ടിക്കാട്ടുന്നത് മഴമൂലമുള്ള റോഡിലെ വെള്ളവും വെളിച്ചക്കുറവുമാണ്. ഏഴ് പേര്‍ യാത്ര ചെയ്യേണ്ട വാഹനത്തി‍ല്‍ 11 പേര്‍ 11 പേര്‍ സഞ്ചരിച്ചതാണ് അടുത്ത കാരണമായി ആര്‍ടിഒ പറയുന്നത്. കുറഞ്ഞ ഡ്രൈവിംഗ് പരിചയം, വാഹനത്തിലെ സുരക്ഷാ സംവിധാനങ്ങളുടെ കുറവ് എന്നിവയാണ് മറ്റ് കാരണങ്ങള്‍.
ഇന്നലെ രാത്രിയായിരുന്നു വണ്ടാനം മെഡിക്കല്‍ കോളജിലെ വിദ്യാര്‍ത്ഥികള്‍ സഞ്ചരിച്ചിരുന്ന കാര്‍ കെഎസ്ആര്‍ടിസി ബസുമായി കൂട്ടിയിടിച്ച് വന്‍ അപകടം ഉണ്ടായതാണ്. അപകടത്തില്‍ 5 പേര്‍ മരണപ്പെട്ടു. 3 പേരുടെ നില അതീവ ഗുരുതരമായി തുടരുകയാണ്.