എംഡിഎംഎയുമായി മൂന്നുപേർ പിടിയിൽ.

ഒല്ലൂരില്‍ രണ്ട് കേസുകളിലായി 156.530 ഗ്രാം എംഡിഎംഎയുമായി മൂന്നുപേര്‍ പിടിയില്‍. ഒല്ലൂര്‍ നടത്തറ ജംഗ്ഷനിൽ നിന്നുമാണ് വില്പനയ്ക്കായി കൊണ്ടുവന്ന ഏകദേശം 103.530 ഗ്രാം എംഡിഎംഎയുമായി കുന്നംകുളം ചൊവ്വന്നൂർ അടുപ്പൂട്ടി സ്വദേശിയായ തറയിൽ വീട്ടിൽ ശരത്ത് (32), കുന്നംകുളം കാണിപ്പയ്യൂർ സ്വദേശിയായ ഏറാത്ത് വീട്ടിൽ വിഷ്ണു (24) എന്നിവരെ ഒല്ലൂര്‍ പൊലീസ് പിടികൂടിയത്. കുട്ടനെല്ലൂരിൽ വച്ച് സംശയാസ്പദമായി കണ്ട എളംതുരുത്തി സ്വദേശിയായ മാടശ്ശേരി വീട്ടിൽ മോബീഷില്‍ (35) നിന്നാണ് 53 ഗ്രാം എംഡിഎംഎ കണ്ടെടുത്തത്. ഇയാള്‍ക്കെതിരെ ഒല്ലൂർ പോലീസ് സ്റ്റേഷനിൽ എട്ട് കേസുകൾ നിലവിലുണ്ട്.