വയനാട് ചീരാലില്‍ ജനവാസമേഖലയിലിറങ്ങിയ കടുവ പശുവിനെ കൊന്നു. പഴൂര്‍ സ്വദേശി ഇബ്രാഹിമിന്റെ പശുവിനെയാണ് കടുവ കൊന്നത്. ഇന്നലെ രാത്രിയാണ് സംഭവം. മൂന്ന് പശുക്കളെയാണ് ഇന്നലെ മാത്രം കടുവ ആക്രമിച്ചത്. ഇബ്രാഹിമിന്റെ സഹോദരിയുടെ പശുവിനെയും കടുവ ആക്രമിച്ച് പരുക്കേല്‍പ്പിച്ചു.
ഐലക്കാട് രാജന്‍ എന്നയാളുടെ പശുവിനെയും ആക്രമിച്ച കടുവ ഒരുമാസത്തിനിടെ ഒന്‍പത് പശുക്കളെയാണ് കൊന്നത്. കടുവയെ പിടികൂടാന്‍ വൈകുന്നതില്‍ പ്രതിഷേധിച്ച് കഴിഞ്ഞ ദിവസം നാട്ടുകാര്‍ റോഡ് ഉപരോധിച്ചിരുന്നു. തുടര്‍ച്ചയായി കടുവയിറങ്ങുന്നതിലും പശുക്കളും മറ്റും കൊല്ലപ്പെടുന്നതിലുമുള്ള പ്രദേശവാസികളുടെ പ്രതിഷേധങ്ങള്‍ തുടരുകയാണ്. അതിനിടെ 50 അംഗ വനപാലക സംഘം കടുവയെ പിടികൂടാന്‍ ശ്രമം തുടരുന്നുവെന്നാണ് റിപ്പോര്‍ട്ട്.
English summary; Tiger killed a cow in Wayanad residential area
You may also like this video;
