പതഞ്ഞ് ഒഴുകിയ കല്ലാര്‍ പുഴയിലെ വെള്ളം ജനങ്ങളില്‍ സംശയം സൃഷ്ടിക്കുന്നു. കല്ലാര്‍പുഴയില്‍ സാമൂഹ്യവിരുദ്ധര്‍ വിഷം കലര്‍ത്തിയതാകുമോയെന്നതാണ് പ്രദേശവാസികളുടെ ആശങ്കയ്ക്ക് കാരണം. തൂക്കുപാലം മുതല്‍ കിലോമീറ്ററുകളോളം ഭാഗത്ത് ഇപ്രകാരം പത ഒഴുകി വ്യാപിച്ചിരുന്നു. ഉച്ചയ്ക്ക് ശേഷം പതപോലെയുള്ളയൊന്ന് പാറക്കൂട്ടങ്ങളില്‍ തട്ടി ഉരുണ്ടുകൂടിയ നിലയിലാണ്. കല്ലാര്‍ വരെയുള്ള ഭാഗത്ത് പല സ്ഥലങ്ങളിലായി ഇത്തരത്തിലുള്ള പതക്കൂട്ടം മണിക്കൂറുകളോളം ദൃശ്യമാണ്.
കഴിഞ്ഞദിവസങ്ങളിലെല്ലാം തന്നെ വെള്ളത്തിലൂടെ ഒഴുകി എത്തിയ പത പിന്നീട് അത് വെള്ളത്തില്‍ ലയിച്ചുചേരുകയും ചെയ്യും. ഏലത്തിന് കീടനാശിനി പ്രയോഗിച്ചതിന് ശേഷം വീപ്പകളും മോട്ടോറുകളും പുഴയിലിറക്കി കഴുകിയാലും ഇപ്രകാരം പത അടിഞ്ഞുകൂടാന്‍ സാധ്യതയുണ്ട്. നൂറുകണക്കിന് ആളുകള്‍ ഉപയോഗിക്കുന്ന പുഴയില്‍ ഉണ്ടായ ഈ പ്രതിഭാസത്തിന്റെ യഥാര്‍ത്ഥ കാരണം കണ്ടെത്തണമെന്നും വിഷം കലക്കിയതാണെങ്കില്‍ അവര്‍ക്കെതിരെ കര്‍ശന നടപടി സ്വീകരിക്കണമെന്നും നാട്ടുകാര്‍ ആവശ്യപ്പെട്ടു.
English Summary: To the Pata Achakar that accumulated in the Kallar River
You may also like this video
