ജാർഖണ്ഡിൽ ട്രക്കും വാനും കൂട്ടിയിടിച്ച് അപകടം; മൂന്ന് പേർ മരിച്ചു, പത്ത് പേർക്ക് പരിക്ക്

ജാർഖണ്ഡിലെ വെസ്റ്റ് സിംഗ്ഭും ജില്ലയിൽ ട്രക്കും വാനും കൂട്ടിയിടിച്ചുണ്ടായ അപകടത്തിൽ മൂന്ന് പേർ മരിക്കുകയും പത്ത് പേർക്ക് പരിക്കേൽക്കുകയും ചെയ്തു. വെസ്റ്റ് സിംഗ്ഭും ജില്ലയിലെ ഹത്ഗമരിയ പോലീസ് സ്റ്റേഷൻ പരിധിയിലാണ് അപകടം നടന്നത്.

പരിക്കേറ്റ എല്ലാവരെയും സമീപത്തുള്ള ആശുപത്രിയിൽ പ്രവേശിപ്പിച്ചിട്ടുണ്ട്. മരിച്ചവരിൽ വാഹനത്തിൻറെ ഡ്രൈവറും ഉൾപ്പെടുന്നു. പരിക്കേറ്റവരിൽ ഒരാളുടെ നില ഗുരുതരമായി തുടരുകയാണ്.