കോഴിക്കോട് രണ്ട് കുട്ടികൾ കുളത്തിൽ വീണ് മുങ്ങി മരിച്ചു

പുനൂരിൽ രണ്ട് കുട്ടികൾ കുളത്തിൽ വീണ് മുങ്ങി മരിച്ചു. പുനൂർ അലങ്ങാപ്പൊയിൽ അബ്ദുൽ റസാഖിന്റെ മകൻ മുഹമ്മദ് ഫർസാൻ (9), മുഹമ്മദ് സാലിയുടെ മകൻ മുഹമ്മദ് അബൂബക്കർ (8) എന്നിവരാണ് മരിച്ചത്. വീട്ടിൽ നിന്നും 100 മീറ്ററോളം അകലെയുള്ള കുളത്തിൽ കുട്ടികൾ വീഴുകയായിരുന്നു. വൈകിട്ട് 4 മണിയോടെയാണ് കുട്ടികളെ കാണാതായത്. തിരച്ചിലിനിടയിലാണ് കുട്ടികളെ കുളത്തിൽ കണ്ടെത്തിയത്. മൃതദേഹങ്ങൾ പൂനൂരിലെ സ്വകാര്യ ആശുപത്രിയിലേക്ക് മാറ്റി.