പാലക്കാട്, ചേലക്കര, വയനാട് ഉപതെരഞ്ഞെടുപ്പിന്റെ വോട്ടെണ്ണൽ ആരംഭിച്ചു. എട്ടു മണിക്കാണ് വോട്ടെണ്ണൽ ആരംഭിച്ചത്. പോസ്റ്റൽ വോട്ടുകളാണ് ആദ്യം എണ്ണുന്നത്. അരമണിക്കൂറിനുള്ളിൽ ആദ്യ ഫലസൂചനകൾ പുറത്തുവരും. വയനാട്ടിൽ യുഡിഎഫ് , ചേലക്കരയിൽ എൽഡിഎഫ് , പാലക്കാട് എൻഡിഎ എന്നിങ്ങനെയാണ് ആദ്യ ഫലസൂചനകൾ. വയനാട്ടിൽ പ്രിയങ്ക ഗാന്ധി 3898 വോട്ടുകൾക്കും ചേലക്കരയിൽ യു ആർ പ്രദീപ് 118 വോട്ടുകൾക്കും പാലക്കാട് സി കൃഷ്ണകുമാർ 95 വോട്ടുകൾക്കും മുന്നിലാണ് .
പാലക്കാട്, ചേലക്കര, വയനാട് മണ്ഡലങ്ങൾക്കുപുറമെ മഹാരാഷ്‌ട്ര, ജാർഖണ്ഡ്‌ നിയമസഭ പൊതുതെരഞ്ഞെടുപ്പുകളുടെയും മഹാരാഷ്‌ട്രയിലെ നാന്ദേഡ്‌ ലോക്‌സഭ മണ്ഡലത്തിലെയും വിവിധ സംസ്ഥാനങ്ങളിലായി 48 നിയമസഭ ഉപതെരഞ്ഞെടുപ്പുകളുടെയും വോട്ടെണ്ണലും ഇതിനൊപ്പം നടക്കുന്നുണ്ട് .