ഉത്തര്‍പ്രദേശില്‍ യുവതി സുഹൃത്തിനൊപ്പം ചേര്‍ന്ന് ഭർത്താവിനെ കൊലപ്പെടുത്തി മൃതദേഹം സെപ്റ്റിക് ടാങ്കിൽ തള്ളി. ഉത്തർപ്രദേശിലെ മുസഫർനഗർ ജില്ലയിലാണ് സംഭവം. മണ്ഡൽ ഗ്രാമത്തിൽ താമസിക്കുന്ന സാഗറാണ് കൊല്ലപ്പെട്ടത്. ഭാര്യ ആഷിയ, അവരുടെ സുഹൃത്ത് സുഹൈല്‍ എന്നിവരെ പുർകഴി പൊലീസ് അറസ്റ്റ് ചെയ്തു.
ഇക്കഴിഞ്ഞ ആറിനാണ് സാഗറിനെ കാണാതായത്. തുടർന്ന് നടത്തിയ അന്വേഷണത്തിൽ സെപ്റ്റിക് ടാങ്കിൽ നിന്ന് മൃതദേഹം കണ്ടെത്തുകയായിരുന്നു. ആഷിയയെ ചോദ്യംചെയ്തതതോടെയാണ് കുറ്റംതെളിഞ്ഞത്. ആൺസുഹൃത്തിന്റെ സഹായത്തോടെ ഭർത്താവിനെ കൊലപ്പെടുത്തി മൃതദേഹം സെപ്റ്റിക് ടാങ്കിൽ തള്ളുകയായിരുന്നുവെന്ന് ആഷിയ ചോദ്യംചെയ്യലിൽ സമ്മതിച്ചെന്ന് പൊലീസ് പറഞ്ഞു. സുഹൈലുമായുള്ള തന്റെ ബന്ധത്തെ കുറിച്ച് സാഗർ അറിഞ്ഞതാണ് കൊലപാതകത്തിന് കാരണമെന്ന് പ്രതി കുറ്റസമ്മതം നടത്തിയെന്നും പൊലീസ് പറഞ്ഞു.
English Sammury: Along with her friend, she killed her husband and dumped him in a septic tank; up woman was arrested
