ചേലക്കരയിൽ യു ആർ പ്രദീപിന് വിജയം; പാലക്കാട് രാഹുൽ മാങ്കൂട്ടത്തിൽ

ചേലക്കരയിൽ എൽ ഡി എഫ് സ്ഥാനാർത്ഥി യു ആർ പ്രദീപിന് വിജയം. 12,112 വോട്ടുകൾക്കാണ് പ്രദീപ് വിജയിച്ചത് . പാലക്കാട് യു ഡി എഫ് സ്ഥാനാർത്ഥി രാഹുൽ മാങ്കൂട്ടത്തിലും വിജയിച്ചു. 18,724 ആണ് ഭൂരിപക്ഷം .ഇടതുപക്ഷ സ്ഥാനാര്‍ഥികളെ ചേര്‍ത്തുപിടിച്ച ചരിത്രമാണ് ചേലക്കരയ്ക്കുള്ളതെന്നും അത് വീണ്ടും തെളിയിച്ചിരിക്കുകയാണ് ഇവിടെയുള്ള ജനങ്ങളെന്നും യു ആര്‍ പ്രദീപ് പറഞ്ഞു. തുടക്കം മുതല്‍ പറയുന്നത് പോലെ യാതൊരുവിധ സര്‍ക്കാര്‍ വിരുദ്ധയും നിലനില്‍ക്കുന്നില്ലെന്നും അദ്ദേഹം കൂട്ടിച്ചേര്‍ത്തു.