കേരള കോൺഗ്രസ് ജോസഫ് ഗ്രൂപ്പ് വിഭാഗം നേതാവായിരുന്ന വിക്ടർ ടി തോമസ് ബിജെപിയില്‍ ചേര്‍ന്നു. ബിജെപി സംസ്ഥാന പ്രഭാരി പ്രകാശ് ജാവദേകർ എം പിയുടെ സാന്നിധ്യത്തിലായിരുന്നു അഗത്വം സ്വീകരിച്ചത്. എറണാകുളം ബിജെപി ജില്ലാ കമ്മറ്റി ഓഫീസിലെത്തി വിക്ടറിനെ ബിജെപി സംസ്ഥാന പ്രസിഡന്റ് കെ സുരേന്ദ്രൻ ഷാൾ അണിയിച്ച് സ്വീകരിച്ചു.
യുഡിഎഫ് കാലുവാരുന്നവരുടെ മുന്നണിയായി മാറിയെന്ന് വിക്ടർ ടി തോമസ് പറഞ്ഞു. 20 വർഷത്തിലധികമായി യുഡിഎഫ് ചെയർമാനായിരുന്ന വിക്ടർ ടി തോമസ് മുന്നണി വിട്ട് ബിജെപിയിൽ ചേർന്നത് യുഡിഎഫിന് കനത്ത തിരിച്ചടിയാണ് നൽകിയിരിക്കുന്നത്. കേരള കോണ്‍ഗ്രസ് ജോസഫ് വിഭാഗത്തിന്റെ പത്തനംതിട്ട ജില്ലാ പ്രസിഡന്റ് കൂടിയായിരുന്നു വികടർ ടി തോമസ്.
2006, 2011 നിയമസഭാ തെരഞ്ഞെടുപ്പുകളിൽ തിരുവല്ല മണ്ഡലത്തിലെ യുഡിഎഫ് സ്ഥാനാർത്ഥി കൂടിയായിരുന്നു വിക്ടർ.
English Summary: Victor T Thomas joined BJP
You may also like this video
