സിപിഐ മണ്ഡലം കമ്മിറ്റി ഓഫീസിനു നേരെ ഡിവൈഎഫ്ഐ ബ്ലോക്ക് ഭാരവാഹികളുടെ നേതൃത്വത്തിൽ അക്രമം നടത്തിയത് സിപിഎം നേതൃത്വം മറുപടി പറയണമെന്ന് സിപിഐ ജില്ലാ സെക്രട്ടറി പി എസ് സുപാൽ എംഎൽഎ. കോളജിൽ വിദ്യാർത്ഥികൾ തമ്മിലുണ്ടായ സംഘർഷത്തിന്റെ പേരിൽ പാർട്ടി ഓഫീസിന് നേരെ സാമൂഹ്യ വിരുദ്ധരെ കൂട്ടി നടത്തിയ അക്രമം തികച്ചും പ്രതിഷേധാർഹമാണ്.
പാർട്ടി ഓഫീസുകൾ ആക്രമിക്കുന്നത് കമ്മ്യൂണിസ്റ്റ് രീതിയല്ല. ജനാധിപത്യ മര്യാദകൾ ഭേദിച്ചുള്ള ഇത്തരം സംഭവങ്ങൾക്ക് നേതൃത്വം നൽകുന്നവരെ സംരക്ഷിക്കുന്ന നിലപാടും ഗൗരവമാണ്. ഈ അക്രമങ്ങൾക്ക് നേതൃത്വം നൽകിയവരെ അടിയന്തിരമായി പൊലീസ് അറസ്റ്റ് ചെയ്യണമെന്നും
സംഭവത്തിൽ ശക്തമായ പ്രതിഷേധം ഉയർത്തിക്കൊണ്ട് വരുമെന്നും പി എസ് സുപാൽ എംഎൽഎ പറഞ്ഞു.