‘വെര്ച്വല് അറസ്റ്റി‘ന്റെ പേരില് വീട്ടമ്മയിൽ നിന്നും തട്ടിയെടുത്തത് രണ്ട് കോടി 80 ലക്ഷം രൂപ . മട്ടാഞ്ചേരി സ്വദേശിനി ഉഷാകുമാരിയാണ് കബളിക്കപ്പെട്ടത്. കള്ളപ്പണ ഇടപാട് കേസില് ഉള്പ്പെട്ടിട്ടുണ്ടെന്നും അറസ്റ്റ് ചെയ്യണമെന്നും പറഞ്ഞ് ഭീഷണിപ്പെടുത്തിയായിരുന്നു തട്ടിപ്പ്. സുപ്രീം കോടതിയുടെയും സിബിഐയുടെ വ്യാജ എംബ്ലങ്ങള് അടങ്ങിയ സര്ട്ടിഫിക്കറ്റുകളാണ് തെളിവായി നൽകിയത്. പിഴയൊടുക്കിയാല് നടപടികള് അവസാനിക്കുമെന്നാണ് പറഞ്ഞത്. തുടർന്ന് ഇവർ കൈവശമുണ്ടായിരുന്ന പണവും കൂടാതെ സ്വർണം പണയം വച്ച് എടുത്ത പണവും അക്കൌണ്ടിലേക്ക് ട്രാൻസ്ഫർ ചെയ്യുകയായിരുന്നു. കബിളിപ്പിക്കപ്പെട്ടുവെന്ന് തിരിച്ചറിഞ്ഞതോടെ ഉഷാകുമാരി പൊലീസിൽ പരാതി നൽകുകയായിരുന്നു. സംഭവത്തിൽ മട്ടാഞ്ചേരി പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
വെർച്വൽ അറസ്റ്റ് തട്ടിപ്പ്; കൊച്ചിയിൽ 58 കാരിയ്ക്ക് നഷ്ടമായത് 2.8 കോടി രൂപ
