ജില്ലാ സ്കൂൾ കായിക മേള സിനിമാ ഷൂട്ടിംഗിനും വേദിയായി. കായിക താരങ്ങൾക്കൊപ്പം സിനിമ താരങ്ങളും മൈതാനിയിലെത്തി. സംഘാടകർക്കും കാണികൾക്കും ത്രില്ലായി മാറി സിനിമ ഷൂട്ടിംഗ്. വിഷ്ണു ഉണ്ണികൃഷ്ണൻ നായകനായി അഭിനയിക്കുന്ന പുതിയ ചിത്രമായ ഇടിയൻ ചന്തുവിന്റെ രംഗമാണ് ചിത്രീകരിച്ചത്.
നടി ജയശ്രീ ശിവദാസ് ആയിട്ടുള്ള സീനും ഷൂട്ട് ചെയ്തു. ഗ്യാലറി രംഗങ്ങൾ ചിത്രീകരിക്കുന്നതിന്റെ ഭാഗമായാണ് താരം എത്തിയത്. കായിക വിദ്യാർഥിയായിട്ടാണ് വിഷ്ണു വേഷമിടുന്നത്. കോലഞ്ചേരിയിൽ സ്വകാര്യ പരിപാടിക്കെത്തിയ വിപിൻ ജോർജ്ജ്, വിഷ്ണുവിന്റെ സിനിമാ ചിത്രീകരണം ഉണ്ടെന്നറിഞ്ഞുമെത്തിയതാണ്. സിനിമ താരങ്ങൾക്കൊപ്പം സെൽഫി എടുക്കുന്നതിനും ഫോട്ടോ എടുക്കുന്നതിനും കായിക താരങ്ങൾ തിരക്കുകൂട്ടി.
English Summary: Vishnu Unnikrishnan also became a sports star
You may also like this video
