വയനാട് തുരങ്ക പാത യാഥാർഥ്യമാകുന്നു. നിര്മ്മാണത്തിന് സംസ്ഥാന പരിസ്ഥിതി ആഘാത സമിതി അനുമതി നല്കി. 25 ഇന വ്യവസ്ഥകളോടെയാണ് അനുമതി നല്കിയത്. ഉരുള്പൊട്ടല് സാധ്യത പ്രദേശത്തെ തുരങ്ക പാത നിര്മ്മാണം അതീവ ശ്രദ്ധയോടെ വേണമെന്ന് സമിതി നിര്ദേശിച്ചു.
പാറ തുരക്കുന്നതിന് ഏറ്റവും മികച്ച സാങ്കേതിക വിദ്യകള് ഉപയോഗിക്കണം. പരിസ്ഥിതി നാശം ഒഴിവാക്കണം. പദ്ധതിയുമായി ബന്ധപ്പെട്ട് പലവട്ടം വിശദീകരണം തേടിയ ശേഷമാണ് അനുമതി നല്കിയത്. വന്യജീവികളുടെയും ആദിവാസികള് അടക്കമുളള മനുഷ്യരുടെയും പ്രശ്നങ്ങള് പരിഗണിക്കണമെന്നും നിര്ദേശമുണ്ട്.