മൊത്തവില സൂചിക അടിസ്ഥാനമാക്കിയുള്ള പണപ്പെരുപ്പം ഓഗസ്റ്റില് 0.52 ശതമാനമായി ഉയര്ന്നു. ജൂലൈയില് ഇത്-0.58 ശതമാനമായിരുന്നുവെന്ന് വാണിജ്യ വ്യവസായ മന്ത്രാലയം പുറത്തുവിട്ട കണക്കുകള് വ്യക്തമാക്കുന്നു. കഴിഞ്ഞ രണ്ട് മാസമായി നെഗറ്റീവായി തുടര്ന്ന മൊത്തവില സൂചിക പണപ്പെരുപ്പം ഇപ്പോള് ഉയര്ച്ച രേഖപ്പെടുത്തി. ഭക്ഷ്യ ഉല്പന്നങ്ങള്, ഭക്ഷ്യേതര വസ്തുക്കള്, മറ്റ് ലോഹേതര ധാതു ഉല്പന്നങ്ങള്, മറ്റ് ഗതാഗത ഉപകരണങ്ങള് എന്നിവയുടെ വിലയിലുണ്ടായ വര്ധനവാണ് ഓഗസ്റ്റിലെ പണപ്പെരുപ്പ നിരക്കിന്റെ ഉയര്ച്ചക്ക് പ്രധാന കാരണം. ഉപഭോക്തൃ വില സൂചിക അടിസ്ഥാനമാക്കിയുള്ള ചില്ലറ പണപ്പെരുപ്പവും ഓഗസ്റ്റില് ഉയര്ന്നിരുന്നു.
മൊത്തവില പണപ്പെരുപ്പം ഉയര്ന്നു
