തെലങ്കാന സന്ദര്‍ശനത്തിനെത്തിയ പ്രധാനമന്ത്രി നരേന്ദ്ര മോഡിക്കെതിരെ വ്യാപക പ്രതിഷേധം. മോഡി തിരിച്ചുപോകുക എന്ന മുദ്രാവാക്യവുമായി പ്രകടനം നടത്തിയ സിപിഐ പ്രവര്‍ത്തകരെ പൊലീസ് അറസ്റ്റ് ചെയ്തു. ഇന്ത്യന്‍ ഭരണഘടനയെയും ജനാധിപത്യ മൂല്യങ്ങളെയും തകര്‍ക്കുന്ന വ്യാജ ദേശീയവാദി നരേന്ദ്രമോഡി മടങ്ങിപ്പോവുക എന്ന മുദ്രാവാക്യവുമായാണ് പ്രവര്‍ത്തകര്‍ പ്രകടനം നടത്തിയത്. നരഹത്യകളുടെ ഉത്തരവാദിയാണ് മോഡിയെന്ന് പ്രവര്‍ത്തകര്‍ വിളിച്ചുപറഞ്ഞു.
പാര്‍ട്ടി ഓഫീസില്‍ നിന്ന് പ്രകടനം ആരംഭിച്ചയുടന്‍ പൊലീസെത്തി പ്രവര്‍ത്തകരെ തടയുകയായിരുന്നു. തുടര്‍ന്നാണ് അറസ്റ്റുണ്ടായത്. പാര്‍ട്ടി സംസ്ഥാന എക്‌സിക്യൂട്ടീവ് അംഗം വിസി ബോസ്, പാര്‍ട്ടി ഹൈദരാബാദ് ജില്ലാ സെക്രട്ടറി ഇ ടി നരസിംഹ, എഐടിയുസി നേതാവ് പ്രേം പവനി, മഹിളാ സംഘം നേതാവ് ഛായാ ദേവി, എഐഎസ്എഫ് നേതാക്കളായ സ്റ്റാലിന്‍, കെ ജ്യോതി തുടങ്ങിയവരുടെ നേതൃത്വത്തിലായിരുന്നു പ്രതിഷേധം. നഗരത്തിലാകെ പാര്‍ട്ടിയുടെയും ബഹുജന സംഘടനകളുടെയും നേതൃത്വത്തില്‍ മോഡി ഗോബാക്ക് എന്നെഴുതിയ ബോര്‍ഡുകള്‍ സ്ഥാപിച്ചിരുന്നു.
English summary; Widespread protests against Modi in Telangana; Police arrested the CPI activists
You may also like this video;
