കുടുംബവഴക്കിനെത്തുടര്‍ന്ന് ഭാര്യ ഭ‍ര്‍ത്താവിനെ കുത്തിക്കൊന്നു

കൊച്ചിയില്‍ കുടുംബവഴക്കിനെത്തുടര്‍ന്ന് ഭാര്യ ഭര്‍ത്താവിനെ കുത്തിക്കൊന്നു. കൊച്ചി വൈപ്പിനിലെ നായരമ്പലത്താണ് സംഭവം. അറയ്ക്കല്‍ ജോസഫിനെയാണ് ഭാര്യ പ്രീത കൊലപ്പെടുത്തിയത്. പ്രീതയെ പൊലീസ് കസ്റ്റഡിയിലെടുത്തു.വിവാഹ മോചനത്തിനുള്ള കേസ് കൊടുത്തിരുന്നതിനാല്‍ ഇരുവരും രണ്ട് വീടുകളിലായാണ് താമസിച്ചിരുന്നത്. കേറ്ററിംഗ് ജോലി ചെയ്യുന്ന ജോസഫ് ജോലി ആവശ്യങ്ങളുമായി ബന്ധപ്പെട്ട് പ്രീത താമസിക്കുന്ന വീടിന്റെ പരിസരത്ത് വന്നിരുന്നു. ഇതിനെത്തുടര്‍ന്നുണ്ടായ തര്‍ക്കമാണ് കൊലപാതകത്തിലേക്ക് നയിച്ചതെന്നാണ് വിവരം.