തൊഴിലിടങ്ങളിലെ സ്ത്രീകളുടെ കരുതലിനെയും സുരക്ഷയേയും സംബന്ധിച്ച് വർക്കിംഗ് വിമൻ ഫോറം (എഐടിയുസി) ബഹുജന സദസ്സ് സംഘടിപ്പിക്കുന്നു. മെയ് 16 ന് എറണാകുളം കച്ചേരിപ്പടിയിൽ നടക്കുന്ന സദസ് സംസ്ഥാന സെക്രട്ടറി കെ മല്ലിക ഉദ്ഘാടനം ചെയ്യും. സംസ്ഥാന വർക്കിംഗ് പ്രസിഡന്റ് സുഗത കുമാരി അധ്യക്ഷത വഹിക്കുന്ന യോഗത്തിൽ എഐടിയുസി സംസ്ഥാന ജനറൽ സെക്രട്ടറി കെ പി രാജേന്ദ്രൻ സംസാരിക്കും. കൂടാതെ വിവിധ എഐടിയുസി നേതാക്കളും പങ്കെടുത്ത് സംസാരിക്കും. തൊഴിലിടങ്ങളിലെ സുരക്ഷ എന്ന വിഷയത്തിൽ ഉച്ചകഴിഞ്ഞ് രണ്ടിന് സംഘടിപ്പിക്കുന്ന ബഹുജന സദസ്സിൽ പങ്കെടുക്കുന്നതിന് എല്ലാ ജീവനക്കാരെയും സ്വാഗതം ചെയ്യുന്നതായി സംസ്ഥാന ഭാരവാഹികൾ അറിയിച്ചു.
English Summary: Working Women’s Forum mass meeting on the 16th in Kochi
You may like this video also
