യൂട്യൂബ് പണിമുടക്കി; ഇന്ത്യ, അമേരിക്ക എന്നീ രാജ്യങ്ങളിൽ പ്രശ്നം നേരിട്ടു

നിരവധി രാജ്യങ്ങളിലാണ് യൂട്യൂബ് സേവനങ്ങൾക്ക് വ്യാപകമായ തടസ്സങ്ങൾ അനുഭവപ്പെട്ടത്. ഇന്ത്യ, അമേരിക്ക തുടങ്ങിയ രാജ്യങ്ങളിലെ നിരവധി ഉപയോക്താക്കൾ യൂട്യൂബ് അക്‌സസില്‍ പ്രശ്‌നങ്ങള്‍ റിപ്പോർട്ട് ചെയ്തിട്ടുണ്ട്. വീഡിയോകൾ കാണാൻ കഴിയുന്നില്ലെന്നും ആപ്പോ വെബ്‌സൈറ്റോ ശരിയായി പ്രവർത്തിക്കുന്നില്ലെന്നും ആയിരക്കണക്കിന് ഉപയോക്താക്കൾ പരാതിപ്പെട്ടു. ഇന്നലെ വൈകിട്ടോടെയാണ് ഇന്ത്യയിൽ യൂട്യൂബിലെ പ്രശ്‌നം ആരംഭിച്ചത്. യുഎസിലും സാമാനമായ അനുഭവമാണ് ഉപഭോക്താക്കൾ നേരിട്ടത്. ഏകദേശം 3,855 പരാതികൾ റിപ്പോർട്ട് ചെയ്യപ്പെട്ടു. എന്നാൽ ഈ വിഷയത്തിൽ യൂട്യൂബിൽ നിന്നോ ഗൂഗിളിൽ നിന്നോ ഔദ്യോഗിക പ്രതികരണമൊന്നും ലഭിച്ചിട്ടില്ല.