എഐടിയുസി ദേശീയ സമ്മേളനം; പതാക ജാഥ ഇന്ന് തുടങ്ങും

16 മുതൽ 20 വരെ ആലപ്പുഴയിൽ നടക്കുന്ന എഐടിയുസി നാൽപ്പത്തിരണ്ടാം ദേശീയ സമ്മേളനനഗറിൽ ഉയർത്താനുള്ള പതാക ജാഥ കയ്യൂരിൽ നിന്നും ഇന്ന് ആരംഭിക്കും. വൈകിട്ട് മൂന്നുമണിക്ക് പന്ന്യൻ രവീന്ദ്രൻ ഉദ്ഘാടനം ചെയ്യും. എഐടിയുസി സംസ്ഥാന വൈസ് പ്രസിഡന്റ് പി രാജു ക്യാപ്റ്റനായ ജാഥയുടെ വൈസ് ക്യാപ്റ്റൻ എലിസബത്ത് അസീസ്സിയും ഡയറക്ടർ സി പി മുരളിയാണ്. നേതാക്കളായ പി കെ നാസർ, അഡ്വ. ആർ സജിലാൽ, ടി കെ സുധീഷ്, കവിതാ സന്തോഷ്, മഹിതാ മൂർത്തി എന്നിവർ ജാഥാംഗങ്ങളാണ്. ജാഥയ്ക്ക് വൈകിട്ട് അഞ്ചിന് പയ്യന്നൂരിൽ സ്വീകരണം നൽകും.