മറുനാടൻ മലയാളി ഉടമ ഷാജൻ സ്കറിയക്ക് മർദനമേറ്റ സംഭവത്തിൽ വധശ്രമത്തിന് കേസെടുത്ത് പൊലീസ്. കണ്ടാലറിയാവുന്ന അഞ്ച് പേർക്കെതിരെയാണ് വധശ്രമത്തിന് കേസെടുത്തിരിക്കുന്നത്. മൂന്നംഗ സംഘം ചേർന്നാണ് ഷാജൻ സ്കറിയയെ ആക്രമിച്ചത്. മങ്ങാട്ടുകവലയിൽ വച്ചായിരുന്നു സംഭവം. കാറിൽ നിന്നും വലിച്ചിറക്കി ശരീരത്തിലും മുഖത്തിലും മർദിക്കുകയായിരുന്നു. ഒരു വിവാഹ ചടങ്ങിൽ പങ്കെടുത്ത് മടങ്ങവേയായിരുന്നു ആക്രമണം.
സംഭവസ്ഥലത്തെ സിസിടിവി പരിശോധിച്ച് ആളുകളെ തിരിച്ചറിയാനുള്ള ശ്രമങ്ങൾ തുടങ്ങിയെന്ന് തൊടുപുഴ പൊലീസ് പറഞ്ഞു.