രാജ്യത്തിന്റെ വൈവിധ്യങ്ങളെ ഇല്ലായ്മ ചെയ്ത് എക സിവിൽ കോഡ് നടപ്പിലാക്കാൻ ഉപജാപം നടത്തുന്ന കേന്ദ്രസർക്കാറിനെതിരെ ന്യൂനപക്ഷങ്ങളും പിന്നോക്ക ജനങ്ങളും ഒന്നിക്കണമെന്ന് ഐഎന്‍എല്‍ ദേശീയ അധ്യക്ഷന്‍ പ്രൊഫ. മുഹമ്മദ് സുലൈമാൻ. കോഴിക്കോട് കടപ്പുറത്ത് ഐഎൻഎൽ സംസ്ഥാന സമ്മേളനത്തിന്റെ സമാപന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. സംസ്ഥാന പ്രസിഡന്റും തുറമുഖ വകുപ്പ് മന്ത്രിയുമായ അഹമ്മദ് ദേവർകോവിൽ അധ്യക്ഷത വഹിച്ചു.
മുതിർന്ന മാധ്യമ പ്രവർത്തകനും രാജ്യസഭ അംഗവുമായ ജോൺബ്രിട്ടാസിന് ദുബൈ ഐഎംസിസി ഏർപ്പെടുത്തിയ സേട്ട് സാഹിബ് പുരസ്കാരം മന്ത്രി അഹമ്മദ് ദേവർകോവിൽ സമ്മാനിച്ചു. സിപിഐ ദേശീയ എക്സിക്യൂട്ടീവ് അംഗം അഡ്വ. പി സന്തോഷ് കുമാർ എംപി, ജോൺബ്രിട്ടാസ് എംപി, കടന്നപ്പള്ളി രാമചന്ദ്രൻ എംഎൽഎ, മേയർ ഡോ. ബീനാഫിലിപ്പ്, അഡ്വ. മുഹമ്മദ് ഇഖ്ബാൽ, ഡെപ്യൂട്ടി മേയർ മുസഫർ അഹമ്മദ്, റസാഖ് കാരാട്ട്, മുക്കം മുഹമ്മദ്, ഐഎൻഎൽ അഖിലേന്ത്യാ നേതാക്കളായ അഡ്വ. മുനീർ ശരീഫ്, അഡ്വ. ഇഖ്ബാൽ സഫർ, മുസമ്മിൽ ഹുസൈൻ, സി പി അൻവർ സാദത്ത്, ബി ഹംസ ഹാജി എന്നിവർ സംസാരിച്ചു.
ജറൽ സെക്രട്ടി കാസിം ഇരിക്കൂർ സ്വാഗതവും മൊയ്തീൻകുഞ്ഞി കളനാട് നന്ദിയും പറഞ്ഞു. സാമൂഹിക പ്രവർത്തനത്തിന് ഡോക്ടറേറ്റ് നേടിയ ഷാർജാ ഐഎംസിസി പ്രസിഡന്റ് താഹിറലി പുറപ്പാട്, കാർഷിക ശാസ്ത്രഞ്ജൻ ഡോ. അബൂകുമ്മാളി, ജലീൽ കൊല്ലം, മിഥിലാജ് എന്നിവരെ ചടങ്ങിൽ ആദരിച്ചു.
English Summary:Central Govt to make Constitutional Institutions as rss: Prof. Muhammad Sulaiman
You may also like this video
