ഗവര്‍ണര്‍ ചാന്‍സലര്‍ പദവിയടക്കം രാജി വെക്കണമെന്നാവശ്യപ്പെട്ട് കാലടി സംസ്‌കൃത സര്‍വ്വകലാശാല എഐഎസ്എഫ് യൂണിറ്റ് പോസ്റ്റ് കാര്‍ഡ് സമരം സംഘടിപ്പിച്ചു. പരിപാടി എഐഎസ്എഫ് എറണാകുളം ജില്ലാ സെക്രട്ടറി എ എ സഹദ് ഉദ്ഘാടനം ചെയ്തു. കേരളത്തിലെ സര്‍വ്വകലാശാലകളിലെ 9 വൈസ് ചാന്‍സലര്‍മാരോടും രാജി ആവശ്യപ്പെട്ട ചാന്‍സിലര്‍ ഫെഡറല്‍ സംവിധാനത്തെ വെല്ലുവിളിക്കുകയാണെന്നും അത്തരം പ്രവര്‍ത്തനങ്ങള്‍ക്ക് ചുക്കാന്‍ പിടിക്കുന്ന ഗവര്‍ണറാണ് രാജി വെച്ചൊഴിയേണ്ടതെന്നും പരിപാടി ഉദ്ഘാടനം ചെയ്തുകൊണ്ടദ്ദേഹം പറഞ്ഞു.
ക്യാമ്പയിന്റെ ഭാഗമായി സര്‍വ്വകലാശാലയിലെ വിദ്യാര്‍ത്ഥി അധ്യാപക അനധ്യാപകരില്‍ നിന്നും അഞ്ഞൂറിലധികം കത്തുകളാണ് രാജി ആവശ്യപ്പെട്ട് ഗവര്‍ണര്‍ക്ക് അയച്ചത്. പരിപാടിയില്‍ എഐഎസ്എഫ് അങ്കമാലി മണ്ഡലം സെക്രട്ടറി ശ്രീഹരി കെ പ്രസാദ്, എസ് റൈഫാന്‍, ശ്രീദേവി മോഹന്‍ദാസ്, വിനീത് എന്നിവര്‍ സംസാരിച്ചു.
English summary; Chancellor should resigns: AISF with postcard strike
You may also like this video;
