കര്‍ണാടകയിലെ മെഡിക്കല്‍ കോളജില്‍ 66 വിദ്യാര്‍ഥികള്‍ക്ക് കോവിഡ് സ്ഥിരീകരിച്ചു. കൂട്ടത്തോടെയാണ് വിദ്യാര്‍ഥികള്‍ക്ക് രോഗം പിടിപ്പെട്ടത്. ദര്‍വാഡ് എസ് ഡി എം മെഡിക്കല്‍ കോളജിലെ വിദ്യാര്‍ഥികളാണ് കോവിഡ് സ്ഥിരീകരിച്ചത്. ഇവര്‍ രണ്ട് ഡോസ് വാക്സിന്‍ സ്വീകരിച്ചവരാണ്. കഴിഞ്ഞ ദിവസം കോളജില്‍ നടത്തിയ പരിപാടിക്ക് ശേഷം നടത്തിയ പരിശോധനയിലാണ് വിദ്യാര്‍ഥികളില്‍ കോവിഡ് വൈറസ് ബാധ കണ്ടെത്തിയത്.
400 വിദ്യാര്‍ഥികളില്‍ 300 പേരിലാണ് പരിശോധന നടത്തിയത്. രണ്ട് ഹോസ്റ്റലുകള്‍ ഇതിനോടകം തന്നെ അധികൃതര്‍ പൂട്ടിച്ചു. രോഗബാധിതരാണ് വിദ്യാര്‍ഥികളെ ക്വാറന്റൈനിലാക്കി. ഹോസ്റ്റലുകളില്‍ തന്നെ ഇവര്‍ക്ക് ചികിത്സ സൗകര്യം ഒരുക്കിയതായി ദര്‍വാഡ് ഡെപ്യൂട്ടി കമ്മീഷണര്‍ നിതീഷ് പട്ടേല്‍ അറിയിച്ചു. ബാക്കി 100 വിദ്യാര്‍ഥികളില്‍ കോവിഡ് പരിശോധനയുടെ അടിസ്ഥാനത്തില്‍ നടപടി സ്വീകരിക്കുമെന്ന് അധികൃതര്‍ അറിയിച്ചു.
ENGLISH SUMMARY:Covid reported in bangalore medical college students
You may also like this video
